Bu əməkdaşlıq sayəsində, Codinarium və Technest, ölkənin İT sahəsində peşəkar kadrların hazırlanmasına və onların əmək bazarına inteqrasiyasına birgə töhfə verir.

Technest təqaüd proqramı, informasiya kommunikasiya texnologiyaları sahəsində təqaüd verən milli təqaüd proqramı olaraq, ölkədə İKT sahəsində kadr bankının yaradılması prosesinə mühüm töhfə verir və əmək bazarındakı kadr ehtiyaclarını qarşılayır. 2021-2022 tədris ilində 600-dən çox, 2022-2023 tədris ilində isə 3000-dən çox şəxsə təqaüd ayrılmışdır. Technest təqaüd proqramı, ölkənin öndə gedən tədris mərkəzləri ilə əməkdaşlıq çərçivəsində İKT sahəsində ən tələbatlı İT kurslarına müsabiqə yolu ilə tələbə qəbulunu təşkil edir.Codinarium, Technest təqaüd proqramı ilə əməkdaşlıq edərək, bu məqsədlərə nail olmaqda fəal iştirak edir. Birgə əməkdaşlıq çərçivəsində Codinarium, Technest təqaüdçülərinə qabaqcıl tədris proqramları və müasir texnologiyalar əsasında hazırlanmış kurslar təklif edir. Müsabiqə bir neçə mərhələdə həyata keçirilir: onlayn müraciət, tədris proqramına uyğun olaraq bir və ya bir neçə imtahan və ən sonda müsahibə mərhələsi. Bütün mərhələlərdən uğurla keçmiş 13-65 yaş arası Azərbaycan Respublikası vətəndaşları təqaüddən yararlanaraq Codinarium-nin təlim proqramlarında iştirak edə bilərlər.